مكالمه بين خطيب وخطيبته....لا تعليق

مكالمة بين خطيب وخطيبته أدت الى فسخ الخطوبـه

رن جرس الموبايل للمرة الخامسة يعني كان يدق اكثر من مره وردت عليه الخطيبة....

الخطيب: أعتقد أنا انسان مو.... تطنشيني وماتردين على تيليفوناتي.

الخطيبة: رد السلام في الاول وبعدين نتفاهم.

الخطيب: اش راح يكون عذرك يعني بتقولين كنت نايمة ولا قاعدة مع أمي وخواتي.

الخطيبة: الله يسامحك تتهمني قبل ما تسمع مني.

الخطيب: بصراحة الأمر واضح بدون ماتوضحين .. ليش ماتردين على تيليفوناتي اكيد

كنت مشغولة مع غيري ما كنتي فاضية لي؟

الخطيبة: بصراحه فعلا كنت مشغولة مع غيرك.

الخطيب: منهو هذا اللي ماخذ عقلك وكل تفكيرك لدرجة ما خلاك تردين على تيليفوناتي؟

الخطيبة: بصراحة لما أكون معاه أنسى الدنيا وما فيها فلازم ياعزيزي تعذرني.

الخطيب: وبكل وقاحة تقولين هذا الكلام قدامي وحنا بعدنا مخطوبيين فلو تزوجنا اشكنتي بتسوين ؟

الخطيبة: الله يسامحك ما في داعي للغلط مادمت انا ما غلطت عليك.

الخطيب: كل هذا وما غلطتي..تطنشين تيليفوناتي وماتردين علي 4 اتصالات طول

اليوم ولما رديتي الحين تقولين لما أكون معاه أنسى الدنيا وما فيها كل هذا وماغلطتي؟

الخطيبة: هذا ماحصل فعلا كنت مشغولة معاه وما قدرت ارد على تيليفوناتك.

الخطيب: الظاهر ما راح نقدر نكمل هذي العلاقة فخليك مع اللي كنت مشغولة معه و اللي فضلتيه علي.

الخطيبة: جزاك الله خير هذا أحسن شي سويته.

الخطيب باستغراب: ليش انتي فرحانة لفسخ الخطوبة ومنو هذا اللي ضحيتي فيني علشانه؟

الخطيبة: أنا فرحانة لان اتصالاتك الأربعه اليوم كشفت لي شيء خطير يبعدني عنك

و يخليني أصمم على فصخ الخطوبة.

الخطيب باستغراب: ممكن تفهميني أكثر.

الخطيبة:انت اتصلت فيني اليوم الساعة 11.45 ظهرا
و الساعه 3.45عصرا
و الساعة6:30 المغرب
والساعه 8مساء
وهذا هو اتصالك الخامس اللي تكلمني فيه

الخطيب: شيء عجيب انك تتذكرين حتى ساعة الاتصال بكل دقة.

الخطيبة: أتذكرها لأنها الأوقات اللي أكون فيها مشغولة مع من أحب و

اللي أنسى كل شيء من أجله و بذات لما أكون معاه في هذي الأوقات..

و أنا الآن فرحانة لأني اكتشفت انك مشغول عن من هو أحق بانشغالك به،

تحب تعرف أنا مع مين كنت؟

الخطيب: منو؟

الخطيبة: كنت مع الله،لأنك كنت تتصل فيني في اوقات الصلاة الوقت اللي

أكون فيها منقطعة عن الدنيا وما فيها ،و أنا ماأقدر أرتبط في انسان لاتربطه صلة بالله.

أغلقت الخطيبة التليفون بوجه خطيبها بعد أن قررت هي الابتعاد عنه.

قصة تستحق التفكير كثيراً !!

منقول للفائده

تسلمين مررهـ حلوة القصة

تقبلي مروري

كمان منو هوا يستنى يخليها تفهمو عالاقل

مو كده على طول نفسخ ومانفسخ ايش الغبااااء دا؟؟

ويسلمو عالقصة اللي تقهر الواحد

وربي يوفقك